کاریگەرییەكانی خواردنەوە کحولییەکان لەسەر جگەر چییە؟

2025-07-31  441 جار خوێنراوەتەوە

پزیشکی پسپۆڕی نەخۆشییەکانی مەمک و غودە دەڵێت، کحول کاریگەرییەکی خراپ و زیانبەخشی لەسەر جگەر هەیە، بەتایبەتی لەکاتی بەکارهێنانی درێژخایەن یان زۆر.

د.ھاوار نەقشبەندی، پزیشکی پسپۆڕی نەخۆشییەکانی مەمک و غودە و کۆئەندامی هەرس و نازوور لە نووسینێكدا ئاماژە بە کاریگەرییەكانی خواردنەوە کهولییەکان لەسەر جگەر دەكات.

دەقی نووسینەكەی :-

کحول کاریگەرییەکی خراپ و زیانبەخشی لەسەر جگەر هەیە، بەتایبەتی لەکاتی بەکارهێنانی درێژخایەن یان زۆر.

چەوری جگەر (Steatosis) – قۆناغی سەرەتایی

کۆبوونەوەی چەوری لە خانەکانی جگەردا.

زۆرجار هیچ نیشانەیەکی نییە، بەڵام لەوانەیە ببێتە هۆی ماندوێتی یان ناڕەحەتی.

لەگەڵ وازهێنان لە کحول جگەر دەگەڕێتەوە بۆ حاڵەتی ئاسایی.

هەوکردنی جگەری کهولی – قۆناغی هەوکردن

جگەر تووشی هەوکردن و ئاوسان دەبێت.


 دەتوانێت ببێتە هۆی:

زەردوویی (زەردی پێست/چاو)

ئازاری سک

ڕشانەوە

تا

بەردەوام بوون لە خواردنەوە خراپتری دەکات؛ وەستان لەوانەیە ڕێگە بدات بە چاکبوونەوە.

ڕیشاڵبوونی جگەر – درووستبوونی پەڵە

دووبارەبوونەوەی تێکچوونی جگەر دەبێتە هۆی درووستبوونی پەڵە.

شانەکانی پەڵە جێگەی خانە تەندروستەکان دەگرێتەوە، ڕێگری لە ڕۆیشتنی خوێن و کارکردنی جگەر دەکات.

ئەم قۆناغە هێشتا بەشێکی دەگەڕێتەوە بە چارەسەری پێشوەختە.

نەخۆشی بەمۆم بوونی جگەر –(قۆناغی کۆتایی)


نیشانەکانی بریتین لە:

ماندوێتی، لاوازی

 ئاوسانی قاچ/سک

خوێنبەربوون

شێرپەنجەی جگەر

نەخۆشی بەمۆم بوونی جگەر مەترسی تووشبوون بە شێرپەنجەی خانەکانی جگەر زیاد دەکات کە شێرپەنجەیەکی کوشندەیە لە جگەردا.


   ئەمانەش بخوێنەرەوە