ئێران دوو کەشتی دیکەی لە گەرووی هورمز کردە ئامانج

سوپای پاسداران بڵاویکردەوە دوو کەشتی نەوت هەڵگری سەرپێچیکار لە ڕێڕەوە نائارامەکەی گەرووی هورمزدا ڕووبەڕووی ڕووداو بوونەتەوە و دوو کەشتی دیکەش لە بەردەوامبوون لەسەر ئەو ڕێڕەوە نائارامە پەشیمان بوونەتەوە

دەقی راگەیەندراوی هێزی دەریایی سوپای پاسدارانی ئێران:

چەند کاتژمێرێک لەمەوبەر، چوار کەشتی سەرپێچیکار بە سەرکێشی و پاڵپشتی تیرۆریستانی ئەمریکی، لە ڕێگەی کوژاندنەوەی سیستمەکانی ڕێدۆزی و گوێپێنەدان بە هۆشدارییەکانی بنکەی کۆنترۆڵی گەرووی هورمزی هێزی دەریایی سوپای پاسداران، بەتەما بوون بشێوی دروست بکەن و لە ڕێڕەوێکی نائارامەوە لە گەرووی هورمز بچنە دەرەوە؛ لە ئەنجامدا دوو دانەیان ڕووبەڕووی ڕووداو بوونەتەوە و لە شوێنی خۆیان وەستێندراون، دوو کەشتییەکەی دیکەش لە بەردەوامبوون لەسەر ڕێڕەوەکە پەشیمان بوونەتەوە.

هێزی دەریایی سوپای پاسداران ڕایدەگەیەنێت کە کۆنترۆڵی گەرووی هورمز بە تەواوی لەژێر دەستی ئەم هێزەدایە و تاکە ڕێڕەوی تێپەڕبوونی ئارام، ئەو ڕێڕەوەیە کە دیاریکراوە و ڕاگەیەندراوە. وەک پێشتریش وتراوە، هیچ دڵۆپە نەوت، گاز و پەینێکی کیمیایی بەبێ هەماهەنگی و مۆڵەت لە گەرووی هورمزەوە تێناپەڕێت.

ئەو کەشتیانەی کە دەکەونە ژێر کاریگەری قسەکانی دوژمنی ئەمریکی و دەچنە ناو ڕێڕەوە نائارامەکە، بێگومان ڕووبەڕووی ڕووداو دەبنەوە.