په‌یامی نوێی خامنه‌یی: دوژمن سزاده‌درێت
4 کاتژمێر پێش ئێستا
29 جار خوێنراوەتەوە
عه‌لی خامنه‌یی، ڕێبه‌ری باڵای كۆماری ئیسلامی ئێران ڕایگه‌یاند، دوژمنی زایۆنی به توندی سزاده‌درێت، ئه‌وه‌ش وه‌ك وه‌ڵامێك بۆ هێرشه‌كانی شه‌وی ڕابردوی ئیسرائیل كه كردیه‌سه‌ر چه‌ند ناوچه‌یه‌كی ئێران.
عه‌لی خامنه‌یی له په‌یامێكدا له هه‌ژماری تایبه‌تی خۆی له تۆڕی كۆمه‌ڵایه‌تی "X" باسی له‌وه‌كردوه، "دوژمنی زایۆنی لەم ساتەدا سزا دەدرێت".
سوپای ئیسرائیل زنجیرەیەک هێرشی شەوانەیان لە دڵی تاران ئەنجامدا و دەیان ئامانجیان کردە ئامانج، لەوانەش شوێنە پیشەسازییە سەربازییەکان بۆ بەرهەمهێنانی موشەک و بارەگای سپاند بۆ لێکۆڵینەوە و پەرەپێدانی چەکی ئەتۆمی.
لە بەیاننامەیەکی سەربازی ئیسرائیلدا هاتوە، "زیاتر لە 60 فڕۆکەی جەنگی هێزی ئاسمانی ئێران لە شەوی پێنجشەممەدا هێرشیان کردە سەر دەیان ئامانجی سەربازی لە ئێران، بە ڕێنمایی هەواڵگری وردی هەواڵگری، کە نزیکەی 120 موشەکیان بەکارهێنا".
ئاماژه‌ی به‌وه‌شكردوه، "لە شەوی ڕابردودا چەندین شوێنی بەرهەمهێنانی موشەک لە ناوچەی تارانی ئێران هێرشی کرایە سەر، ئەو شوێنانە بەدرێژایی ساڵانێک دروستکراون و ناوەندی کێشکردنی پیشەسازی بۆ وەزارەتی بەرگری ئێران پێکدەهێنن".
|