بافڵ تاڵەبانی: لەگەڵ نەوەی نوێ فراکسیۆنەکەمان کردووە بەیەک
1 کاتژمێر پێش ئێستا
22 جار خوێنراوەتەوە
بافڵ تاڵەبانی، سەرۆکی یەکێتی نیشتمانی کوردستان لە دوای کۆبوونەوەی لەگەڵ شاسوار عەبدولواحید، سەرۆکی جووڵانەوەی نەوەی نوێ ڕایگەیاند، لەگەڵ نەوەی نوێ ڕێککەوتوون و فراکسیۆنەکانیان کردووە بە یەک.
باسی لەوەشکرد، کە لەمەودوا بە 38 کورسییەوە وەڵامی داواکارییەکانی پارتی دەدەنەوە.
ئەوەشی خستەڕوو، کە سەردانی هەموو لایەکان دەکەن و دەیانەوێت هەموویان بێنە ناو ئەم ڕێککەوتنەوە.
هاوکات شاسوار عەبدولواحید، سەرۆکی جووڵانەوەی نەوەی نوێ ڕایگەیاند: لە دوای شەڕی ناوخۆوە دوو ساڵی لێدەرچێت، حکومەت بەردەوام بە دەست پارتییەوە بووە، سەرۆکی حکومەت و حەوت پۆستی گرنگ کە جوومعەی سەرەکی حوکمڕانی هەرێمن لە دەستی پارتی بوون.
وتیشی: ئێمە دەمانەوێت ئەم شێوازی حوکمڕانیە بگۆڕین و گۆڕانکاری لە سیستمی حومکڕانیدا بکەین.
|